Android ဖုန်းဖြင့် လိုင်းခွဲ Extensions ဖုန်း များအား အလိုလျောက် တိုက်ရိုက်ခေါ်ဆိုနိုင်အောင်ပြုလုပ်ခြင်း

ပင်မဖုန်းနံပါတ်အားခေါ်ဆိုပြီးမှ လိုင်းခွဲနံပါတ်အား ထပ်မံနှိပ်ကာ ခေါ်ရသော လိုင်းခွဲဖုန်းနံပါတ်များသို့ ဖုန်းခေါ်ရာတွင် လိုင်းခွဲနံပါတ်အား ထပ်မံနှိပ်ရန်မလိုအပ်ပဲ မိမိခေါ်လိုသော လိုင်းခွဲသို့ တိုက်ရိုက်တစ်ခါတည်း ခေါ်နိုင်စေရန်အတွက် Android OS ဖုန်းများတွင် ပြုလုပ်ထားနိုင်မည်ဖြစ်သည်။ ၄င်းမှာဖုန်း၏ Contact တွင် ဖုန်းနံပါတ်အား မှတ်သားရာ၌ လိုင်းခွဲနံပါတ်များ ကိုပါတစ်ပါတည်း မှတ်သားခြင်း နည်းဖြစ်ပြီး ယင်းကဲ့သို့ မှတ်သားထားခြင်းဖြင့် မိမိခေါ်လိုသော လိုင်းခွဲဆီသို့ တိုက်ရိုက်ရောက်ရှိနိုင်မည်ဖြစ်သည်။

(၁) ပထမအဆင့်အနေဖြင့် Contact ကိုဖွင့်လိုက်ပါ။
(၂) Contact အတွင်းတွင် ဖုန်းနံပါတ်အသစ်မှတ်သားရန် ရွေးချယ်ပါ။ Contact အဟောင်းအား ပြန်လည် ပြုပြင်မှတ်သား လိုပါက Edit ကိုနှိပ်၍ ပြုပြင်နိုင်ပါသည်
(၃) မိမိ မှတ်သားလိုသော ပင်မဖုန်းနံပါတ်အား အရင်ထည့်သွင်းပြီးပါက ၄င်း၏ နောက်တွင်ဆက်လက်ရှိနေသော Extensions အားဆက်လက်မှတ်သားရန်အတွက် ပထမမှတ်သားထား သောဖုန်းနံပါတ်၏ နောက်တွင် ( ; ) သို့မဟုတ် ( , ) ကိုထည့်သွင်းပါ။

(၄) ( ; ) သို့မဟုတ် ( , ) ၏နောက်တွင် Extensions နံပါတ်အား ဆက်လက်မှတ်သားပါ။

Extensions မှတ်သားရာတွင် ( ; ) အသုံးပြုခြင်းနှင့် ( , ) အားအသုံးပြုခြင်း နှစ်မျိုးရှိသည့်အနက်

( ; ) ဖြင့် မှတ်သားပါက ပင်မဖုန်းသိုဖုန်းဝင် သွားချိန်တွင် မိမိမှတ်သားထားသည့် လိုင်းခွဲနံပါတ်အား တစ်ပါတည်း ဖော်ပြပေးထားမည် ဖြစ်ပြီး yes or No စနစ်ဖြင့် လိုင်းခွဲအား ခေါ်မည် မခေါ်ပါ အစရှိသည်ကို ရွေးချယ်နိုင်မည်ဖြစ်သည်။

( , ) ဖြင့်မှတ်သားပါက ပင်မဖုန်းသို့ ဖုန်းစတင်ဝင်ပြီးသည်နှင့် တစ်ပြိုင်နက် လိုင်းခွဲသို့ တိုက်ရိုက်အလိုအလျောက် ဖုန်းခေါ်ဆိုမှု ရောက်ရှိသွားမည်ဖြစ်သည်။
Contact တွင်ထိုသို့ မှတ်သားပါက မိမိခေါ်လိုသော လိုင်းခွဲဖုန်းနံပါတ်သို့ တိုက်ရိုက်ရောက်ရှိနိုင်မည်ဖြစ်သည်။

Contact စနစ်တွင် ယင်းကဲ့သို့ မှတ်သားကာ လိုင်းခွဲနံပါတ်များသို့ တိုက်ရိုက်ဖုန်းခေါ်ခြင်းအား ပြုလုပ်နိုင် သော်လည်းခေါ်ခဲ့ပြီးသော Call log စနစ်မှ လိုင်းခွဲနံပါတ်များသို့ တိုက်ရိုက်ပြန်လည်ခေါ်နိုင်မည်မဟုတ်ပဲ လိုင်းခွဲနံပါတ်များသို့ တိုက်ရိုက်ခေါ်လိုပါက Contact အတွင်းမှသာ ခေါ်နိုင်မည်ဖြစ်သည်။

Contact စနစ်တွင် ဖုန်းနံပါတ်အား မှတ်သားရာ၌ ( ; ) နှင့် ( , ) များအားထည့်သွင်းလိုပါက ကီးဘုတ်တွင်ရှိသော Wait နှင့် Pause စနစ်တို့ကိုနှိပ်ကာ ထည့်သွင်းနိုင်ပြီး အချို့ဖုန်းများတွင် Sym အတွင်းတွင် Wait နှင့် Pause စနစ်များအား ထည့်သွင်းထားခြင်းများလည်းရှိနိုင်သည်။ Sony ဖုန်းအချို့နှင့် အခြား ကီးဘုတ်စနစ်၌ အခက် အခဲရှိသော ဖုန်းများတွင် အခြားနေရာ၌ ဖုန်းနံပါတ်အားရိုက်၍ Copy ကူးကာ Paste ချခြင်း နည်းဖြင့်လည်း မှတ်သားနိုင်မည်ဖြစ်သည်။

Credit = Internet Journal
စစ်​​တောင်းသား​လေး

 http://yekowinbloggercom.blogspot.com